٠٠٠الزمن دوار ٠٠٠٠
الزمن دوار يا مستمعين
والدور اللي جاي على مين
دوار يا زمن دوار
والناس منك شاربة المرار
الحزن دق الباب
خد مني كل الاحباب
لا يوم فرحني بكلمة
ولا يوم بعتلي جواب
دار علينا الزمن
ومين اللي دفع الثمن
فينا اللي فرحان بيغني
وفينا اللي عايش في محن
راحو الحبايب يازمن
واشكي لمين همي
اصحابي باعوني بأرخص ثمن
من بعد أبويا وامي
ايه الحكاية يازمن
على فين هاتودينا
عايشين حياتنا ف محن
من بعد ما تركونا أهالينا
جرح الزمن واعر
ومين يداوي جروحي
وفراق الحبايب هز المشاعر
أصعب من طلوع روحي
الدمع سال
والبخت مال
راحوا الاحبة
تحت الرمال
بقلم الشاعر ملاك دميان شاعر الصعيد من مصر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.