قصيدة بعنوان
(الصبر ؟؟؟؟؟؟)
قالوا لي أصبر
الصبر مفتاح الفرج
الصبر زين
قولت أنا صابر ومن
الصابرين..........
شبعت صبر...........
والكيل طافح وبقول
لكم أسفين........
وعلى فكره حامد ربنا
وشاكره وراضي.
بقضاءه وقدره
وعبده وبصلي كل فرض
في ميعاده وأحيانا
بصلي على النبي يمكن
كل يوم ساعتين.
يعني لا تقول لي إن أني
قانط من رحمتة ولا إني
من الرافضين.
لكن المشكله.
هموم كل يوم بتكتر على
اكتفنا تقلها جبلين.
لاقدرين نوفي بالمطلوب
مننا والعمر عدى سنين.
والقطر فات من زمن
كأنه في لمحة عين.
والحلم إل كنا بنحلمه.
طلعنا فيه مجانين.
كابوس في آخره.
لا قدرنا نوصل في حلمنا.
وقالوا علينا خايبين.
علما بإن إل وصل مخلوق
زيينا من طين.
سبحان ربنا في حكمته
وتدابيره في لمحة بصر.
مابين طرفة عين وإنتباهتها.
يغير من الحال لحالين.
قالوا لي أصبر.
الصبر مفتاح الفرج.
يا صلاة النبي على الأتقيه.
الصبر إنخلق بس
للفقرا وللجعانين.
ولل عايش على دراعه.
بلقمته وياريت حقهم واخدين.
وفي ناس واخدين حقهم.
بدل الصاع صاعين.
وديسين في الغويط.
وعمرهم ما قالوا منين.
وفي الآخر بيقولوا أصبر
ورب العباد صابرين.
ورب العباد صابرين.
ورب العباد صابرين.
صابرين على الذل
والألم وقساوة
الأيام والوجع
بينحل وبرنا
ولحمنا وبرد وشتا
وحر تقول جهنم.
وبنعافر في دنيا المهالك
والقهر وساكتين.
مضغين الزلط لناس
بنحبهم والقلب منهم
دايق مرهم وعذابهم
رغم قساوة قلبهم
وهجرهم لينا
راضيين وصابرين
جوانا صوت عالي
رافض معيشه كدر.
لكنه مكتوم
ولسان بيتكلم
لكنه مقطوع وأفواه
مصابه بالبكم
والقلوب خايفين
ونهايه آخرها موته
وقبر وتأبين
وفي الختام
صابرين.......؟
20/11/2022
(ترنيمات وخواطر.بقلم.........)
(شاعر العاميه/خيرى حسنى)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.