مسافر وسط أحزاني...عبد المنعم مرعى
..........مسافر وسط أحزاني........
قالولي قوم ياله عشان تسافر
ورغم إني عارف إن الغربة
وجعها لينا صعب وعذابها كافر
بياكل فينا ويدغدغ مابيرحمش
بنمشي ونقول اهي ايام وبتمر
رغم الالم اللي جوانا والمُر
بنسيرها وقال عليها بنضحك
غش في غش مش فارق
نكون اسرى جواها أوتقول انا حر
كلها ايام من عمرنا ولعمرنا بتجر
عايش فيها بلا روح وجواك
كل شيء منك مسروق
وحجات يامة قوي مابتسر
هناك هتلاقي عنك ناس غريبه
معروف انك لاأول مره بتشوفهم
غيرنا وغرباء حتى من وشوشهم
بعيونهم نظرة ليك تحسها كئيبه
انا أول ما نزلت من الطيارة
حسيت بحجات جوايه عاملة غارة
بتلومني كتير وعليا كمان بتعتب
وكأنها معلقاني من رقبتي بسنارة
وأول يوم كان ليا هناك
لقيت روحي مني مسحوبة
وإحساس جواية بدنيا تانيه مقلوبة
مش عارف أنا ايه جرالي بالظبط
ورجلي مش شيلاني مش فيه مشلولة
وبدأت أسال نفسي بأسئلة مهبولة
أنا مين أنا فين أنا إيه حصلي
وجاتني كل الأجوبة ويارتها ماجتني
جت بقسوه وجفا مغلولة
بتعاتب فيه نفسي هو انت يانفسي
مش كنت عني مسؤوله
صعبت عليا روحي و دموعي
من عيني نزله بغزارة ع الخد معلولة
بتحرق فيه كأني بحالة مجنونة
بحاول احايلها واسيرها دون جدوى
وهي دايرة بتطعن بسكينة تلمه
وفيه بتصرخ بعلو صوتها الملعونة
بتقولي مين شار عليك تروح وتتغرب
وليه تسيب نفسك وسط الظلمة
قال مسافر وسط أحزاني بجرب
أعيش إنسان بدون طاقة
وحياتي اللي كان نورها بيلمع ويشع
صبح فجأة ضوء مخفي ومتسرب
ولقيت صوت من جوايه بيقرب
بينادي عليا بصوت شغوف متكهرب
فزعني من نومي وقالي أوام
قوم بسرعة يالي اسمك متغرب
لم اللي باقي منك يالا وبسرعة
اجري ولبعيد عن هنا إهرب
بقلم عبد المنعم مرعي
تعليقات
إرسال تعليق