شبكة إيدينا بقلم محمود عجور
لو حكينا عن ماضي
كان لينا
منا لا بعمره اشتكى
ولا منه نحنا اشتكينا
إيام المدرسة
وشبكة إيدينا
الورد فواح بعطره
ينسم علينا
وعطريق الهوى
ياما مشينا
ومن نبع الغرام
شربنا وارتوينا
عصافير زقزقة
وتغريدة تهدينا
والقمر سهران
متونس فينا
والنجم فرحان
بداري علينا
صرنا كبار
وعكيزة تمشينا
حنين الماضي
بيكسر امانينا
والدمع عالخد
بيشتكي فينا
أتاري الزمان
بيضحك علينا
وغدر العمر
بسهامه يرمينا
وعكذبة الأيام
غفيت عينينا
شبكة إيدينا
بقلمي محمود عجور
تعليقات
إرسال تعليق