معرفش ليه..سحر أبو العلا
معرفش ليه
معرفش ليه
انا سبته يومها للفراق
يحرمني منه
معرفش ليه
انا يومها ممسكتش في حلمي
وقمت له بقوة أضمه
واقفل عليه بضلوعي
واخبيه جوة قلبي
مش هو برضه ده مطرحه
ومسكنه
يمكن كان يومها الفراق
حن علينا
وسابه ليا وللحياة
اللي كنا لسة بنبتديها
ولفرحة حلوة رسمناها
وحلمنا بيها.
وليه هو يومها استسلم للفراق
وكل حاجة ما بينا ضحّى بيها
سحر ابوالعلا
تعليقات
إرسال تعليق