أمل وألم
عبدالله رجب ابوعدنان
أمل بيرسم خيوط فرحه
ورده طارحه ونفس راضيه ومسامحه
أو زغروطه حلوه مصبحه
أو بيصنع حياة من بعد موت
ألم بيرسم وجع
ع الحزن إللي مالو مرتجع
وع العين م الهم والشقا بتدمع
وع الظلم ف بلدنا مسمع
والعدل واقف بعيد ونظره عنين بتلمع
وما ليها السكوت
أمل وألم نفس الحروف
إحنا ف زمن اللعب ع المكشوف
حتى لما بفرح ببقى خايف وقلبي مخطوف
لأن بعد الفرح تلاقي الحزن مشروط
البكا أنين من غير صوت
ممكن يكون كلام مجانين
أو وجع ناس شقيانين
ولا أمل مع ألم شاعر حزين
بيحلم ببكره خالي م الواسطه
وخالي م العبوديه والجبروت
و صوت الشعر مش عباده ولا كهنوت
الشاعر زيه زيك
بيعاني ويتألم ويبكي ويحب
والأمل عقد مفروط
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.