(((ومين يعتبر)))
حبة أمل موجودين
لابسين هدوم متقطعه
وعريانين
والصبر ماسك فى الأمل كله أمل يجبر كسور ويعيدجسور
جارفها سيل من الوجع
ويعيد وصال بحبل عاتت مليان عقد
والكل فقد عم الأصول
بترمي بذره فى أرض بور
فى أرض مالحه
البذره صالحه
وألأرض معدومة الضمير
من سنين وحالها رافض الشبع
أكلها الطمع
أبو مين جمع
ومين يملا عينه حتى التراب
الأخ باع وألأخت بتمثل فى دور زي السراب
والإبن جار وداس على كل الحدود
ودمع سايل ع الخدود
ملعون أبو أم الفلوس
غيرت كل النفوس
حياه مليانه بالدروس والعبر ومين إعتبر
أب مات أخ إنقبر
إبن إندفن
والكل راح بس بكفن
حتى الكفن من غير جيوب
إسمعي وإسمع كلامي
دينا خالي م العيوب
ومن العيوب خاليه الشريعه
الوداد والسماح
والرحم أجمل طريقه
بس الحقيقه عم الطمع عزم العشم
وموتوا عم الحياء
وتم البقاء للقطيعه
موتوها الست رحمه
مش فارقه معاهم وجيعه
الصبر حلو أصل مافيش غيره طريقه
بقلمي
نبيل عبد الحليم