وتمر الإيام وينتهى العام الدراسى وفى هذه الفتره ذاد التعارف بشكل كبير بين أميره ومحمد كانوا بيتقابلوا يومياً ويتكلموا كل واحد فيهم بيستريح للتانى صداقه كبيره تحولت الى إعجاب شديد من الطرفين ولم تفكر أميره أبدا فى فرق المستوى الإجتماعى بينها وبين محمد خلصت الإمتحانات
ويوم النتيجة إتقابل محمد وأميره فى الجامعه
بعد ما شافوا النتيجة وبدأ بينهم الحوار
أميره.... إذيك يا محمد عامل إيه
محمد.... أنا تمام إنتى عامله ايه
أميره.... تمام شفت النتيجه ولا لسه
محمد....أه شفتها الحمد لله الإول على الدفعه ذي السنه إل فاتت
أميره..... أيوه ياعم وكمان الإول على الدفعه
محمد....الحمد لله وإنتى طمنينى عملتى إيه
أميره..... يهمك نجاحى يا محمد
محمد....أه طبعاً إنتى أقرب حد ليه
أميره.... طيب أنا نجحت وبمانسبه نجاحنا
عايزه أقولك حاجه
محمد.... قولى ياستى
أميره.... أنا بحبك
محمد.... وأنا كمان والله بحبك قوى
بس خفت أصارحك تصدمينى
أميره.....أصدمك ليه
محمد....علشان فيه فرق مستوى بينا
أميره.... أنا بحبك وعايزاك ومش فارق معايا أى حاجه غير إنى أكون معاك وأبقا ليك
محمد....ماشى طيب يالا نروح نفرح أهلنا بنجاحنا
ويتحول ألمشهد إلى حارة صيدا حى البساتين شقة محمد تجلس إمه وإسمها أحلام وجدته راضيه التى يحبها كثيراً ويبدأ الحوار
محمد.... ماما باركيلى أنا نجحت وطلعت الإول على الدفعه للسنه الثانيه
أحلام....مبروك يا حبيبى ألف مبروك
راضيه....مبروك يا إبنى يارب أعيش وأشوفك أحسن واحد فى الدنيا
محمد...تسلمى ياجدتى هرن بقا على إختى رحاب أفرحها
أحلام....كلم إختك وإعزمهاهى وجوزها على العشا وتعالى المطبخ عايزاك
محمد.... ماشى ياماما
كلم محمد إخته رحاب فى التليفون وخلص وراح
ل والدته المطبخ
محمد....أيوه ياست الحبايب عايزه تقولى إيه
أحلام.....أنا عرفت إنك كنت بتشتغل بعد الجامعه
فى كافتريا
محمد....أه قولت حتى أشيل مصاريفى وأساعد شويه
أحلام.... وليه مقولتيش
محمد.....محبتش أشغل بالك
أحلام....بس كده هتتعب يا إبنى
محمد....ولا تعب ولا حاجه سيبك من الموضوع داه أنا إل كنت عايز أقولك حاجه
أحلام....قول ياحبيبى
محمد....أنا بحب واحده معايا فى الكليه
وهى بتحبنى بس هما مستواهم أحسن مننا شويه
يعنى عايشين فى المعادى وحالتهم الماديه كويسه