التذكار،،،
💕💕💕💕💕
جايي وحاملك دفا وأسرار
خوابي عشق من روضة الأزهار
حامل بقلبي كلمة بحبك
بهيدي الكلمة بحطم الإعصار
جايي تا قول،، بحبك ومشتاق
من قلب عايش عَ دفا الأشواق
بترجم لهيب الشوق للعشاق
بحَّار بمشي بعكس هالتيار
ملهوف يا عمري القلب ملهوف
روحك قبلتي وحولها، رح طوف
خلي الما شاف الحب، هون يشوف
عاشق ركع،،،،، ع عتاب باب الدار
هوني ركعت وهون رح خَلي
شمس وقمر،،، كرمالها يصلي
نجوم وعطور و عبقة الفله/ي
مع بوستي،،،،، وبقدم التذكار
حامل بقلبي كلمة بحبك
بهيدي الكلمة بحطم الإعصار
💕💕💕 بقلمي،، عمّار يزبك،، 💕💕💕
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.