إن كنت ناسي (249)
..........................
إن كنت ناسي أفكرك
إنت اللي بادي
إني أخسرك ..
أبعت في شوقي تحيره
وتنام عينيك وتسهره .
راح فين غرامي
وده كان دوا ...
والقلب ليك والروح سوا
بكيت هوانا
يوم ما فرح ...
بأيديك يقاسي وينجرح
لا رويت ودادي
والشوك طرح ...
والحزن داب ولا عاد فرح
أسأل عليك قالوا هجر
أروي بدموعي ورد وشجر
قلبك ده أييه لو كان حجر
كان حن لي يوم وأفتكر
داق شهدي ليل وغرام سهر
أشكيك بقلبي اللي إتكسر
لتدوق عذابي وتدوق أمر
وإن كنت ناسي أفكرك
ولا عاد غرامي يحيرك
هنساك وهنسى شكل القمر
ولا عاد لقلبي من اليوم سهر
ما أنت إللي بادي بادي
إني أخسرك ..
بقلم .. صبري رسلان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.