.سؤال محيّرني و محيّرها...بقلم الشاعر شكري بن نعمان

   

  ..نسأل على حالك فمّاشي ولِيعة. 

ونسألك على حالي ..

دامِتشي الوجيعة .

 

..من صغري..

 عامل حكاية ..

 نسأل وما نتوبش .. ..

و من قبل ما تطلع الشمس ،،

ملت نسمع في جوابك ..

نسأل حلْشِي مكتوبي و مكتوبك .

سئلت عليك..مرّة و مرّة

.. ما لقيت كان خيالك ..

 قلتلها ..بصوت رنّان ماني نتوجع .

غير تنهيدة من صدري ...

سببها الغصرة و الفجايع ..

  نايا راضي بالمقدّر..

  ماني ولهان ..

  راضي بمواجعي..

 ماني طمعان ...

     ....اييه ..ايييه..

نَايَا صبرت على محاين..

بِت في الصقيع جيعان..

..ماني متغطّي...

 يقولو ..

اللي متغطّي بمتاع الناس عريان ..

هاكة تعلمنا من ناس زمان ...

..نَايا مَا لَا على بالي ...

خوذها من فم شاكر..

 و القلب مليان ..

نَايا وكِيلي ربي ..

واش خير ملّي ..

وَكِيلو الرحمان ..

عَشِقت ..برُجلة ...

غدوة تحكي قصتي صبايا ..

...كان... و كان ..

والسامعين...ليهم رواية ..

فِتْية وصبيان ..

حكاية بفيانة.. ...

و تقاسيم..و وألحان..

نايا صبري صيد الريم و الغزلان ..

وهي صبرها .. فن..

و رنّة .. واتقان ..

..صبرها كلّو ..

 في عشقها . ..

لشكري ..ولد النعمان ..

شكري بن نعمان .30 مارس 2021