غزة الشهيد......
غزة الشهيد
اللي انولد علشان يموت
غزة أم
بتصرخ و بأعلي صوت
آه يا ولدي.
آه يا ولدي يابن قلبي
آه يا نبضي اللي فارقني
آه يا ولدي.
قولي يا بني
و جعتك الرصاصة
اصلي حستها فى قلبي
قولت آه
روحي قالتها بدالك
مت واقف كيف ابوك
و لا قدروا يوقعوك
آه يا ولدي.
قالولي ولدك راجل
مات بيضحك.
الرصاصة كانت
فى صدرك
و الوجع سمّع
فى صدري
آه يا ولدي.
انت فى الجنة
و نعيمها.
و جاي من بعدك
أخوك..
زي ما انت كنت جاي
مكان أبوك.
هى دي كانت الرسالة....
الوليد فى غزة يابني
بينولد علشان يموت.
سحر ابوالعلا
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.