عُدنا بعد غياب و اشتقنا للغوالي...
💞💞 طوفة سحر،،،،،
جميلة و كلها رقة و لطَافة/ي
سحرها طاف عالدنيي و غَنّا
و فاض السحر ع بحر القوافي
و زادت ألق ع بحر المعَنىٰ
أناقة ساكنة جبال و فيافي
و رمل البحر ع دعسة تمنىٰ
بوجها نور فوقو قمر غافي
الدهب من شَعرها لونو تحنىٰ
عملت بالحلىٰ زود و إضافة
و صاير للحلىٰ عنوان منا
شفتا يا بشر سكنت شغافي
عشقا أحمد و ولهان حنا
و أصلا من الكَرم عندا مضافة
و كل من عرفها للأم.... هَنّا
بمربىٰ العز يل كلو نضافة
طيب... ينشرب عالريق دَنّا
برب العرش تا جيلا و حافي
حامل هالقلب لو ضحك سنا
جايي اليوم مع أمي و بيي
تا زورك يا غلاااا بِدار أهلك
بلكي تقبلي و جيبك لْعنّا......
صباحكن خير
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.