😢😢
دمعة.
...
شفت الدمع عم ينزَل و حاير
فوق الخد و الوجنات ساير
احترّْتْ من الوصف دمعِك أسرني
شفت دمعات مليانة....... محابر
دمعة بتشتكي،،،، من حُب يقهر
و دمعة موّلَعة،،،، و الجفن أحمر
و دمعة واقفة،،، بالمُقل تسهر
فيها العتب عم ينزف،، دفاتر
و دمعة تسرح و بالخد تكوي
و دمعة بتجرح و عالقلب بلوة/ي
و دمعة بتطلب من العُمر صفوة
و دمعة ساكنة بخنقة حناجر
يا دمع العين شو حامل حكايا
فيها الآه...... أوجاع و منايا
نزفت الألم و فضحت الخفايا
سلبت الروح....دوبت المحاجر
احترّْتْ من الوصف دمعك أسرني
شفت دمعات مليانة.........محابر
😢😢،، بقلمي،، عمّار يزبك...
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.