( حالة إنكسار ) بقلم الشاعر/ محمد غبن
( حالة إنكسار )
بقلمي الشاعر/ محمد غبن
شاعر آل غبن وسفيرا للسلام الدولي
31/10/2021
أنت اللي خلتني كدا
حاسه بحالة إنكسار
اتخليت عن حبي كنت
مركونه على قوايم إنتظار
مش برضوا خلتني أتعلق
بغرامك وقلبي ينكوي بالنار
مفيش غيرك
سقاني كآس الذل مرار
كنت مستعده اعيشلك
شهرزاد وأنت حبيبها شهريار
حلم كل بنت بتحب بس
تحب راجل حنين صاحب قرار
تتسند عليه وقت ما الزمن
يجي في يوم عليها
لكن إزاي قتلت كل المشاعر
بقسوتك إتعمدت تمحي فيها
وكإنك مكنتش تعرفني جيت
بجبروت عمري ماشوفته فيك
وكإني مش حبيبه ولا
تعرفني بقيت عدوه ليك
قتلت أجمل معاني إنك
تكون زي خلق الله إنسان
ايه اللي شيفاه دا للدرجه دي
قلبك اتجرد من الرحمه والحنان
كإني جاريه عايز
ترميها في سوق النخاسه
كنت مفكره الأول انك بتعاندني
واقول لنفسي دول شوية غلاسه
آتاريه طبعك وكنت عبيطه
عشت طول عمري في سذاجه
روح منك لله خليت قلبي
للأسف عاش محروم من الراحه
تعليقات
إرسال تعليق