وما خفي كان أعظم
وما خفي كان أعظم
الكل فينا بيظلم
غيره أو نفسه
والمستخبي دايما يصدم
الكل بيداري ع غيره
حاجات كتير تعيبه
دايما ليها يستسلم
يحب يهرب ويستخبى
يخدع غيره ويستغبى
فاكر نفسه معلم
يظهر دايما أحلى ما عنده
يعمل الكل حبايبه
اتعود خلاص ع اللعبة
بقى حريف وصاحب كدبة
يتقن فيها ويوهم
والمصيبة بيعملها
من غير ما يتألم
فرحان بذكاءه ويتباهى
إنه طلع حقيقي معلم
لكن مش شايف حقيقته
ولا خايف من مصيبته
إنه مصمم يهدم
بيضيع نفسه
ويفضل ف ضميره
يعدم
لحد ما يكره نفسه
ويعيش ضايع
للكل بايع
هو شر ولا خير
مش عارف ع نفسه
يحكم
عايش بشخصية
غريبة مش سوية
عايش باتنين
لنصين متقسم
#وما_خفي_كان_أعظم 🙄😳🙆
#من_وحي_الصورة 😍
#نظرية_الياسمين
#رسايل_مع_ياسمين_حافظ ✍️💌
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.