يا عمر ليه تجري
والدمع ليه قدري
بتعذب وانا صبري
ما فاضلش منه كتير
ايام مخصماني
والقلب بيعاني
ف التوهه نسياني
تعبت م التفكير
ليه الجذور ماتت
والعقل بقي شاتت
ايوا السنين فاتت
والقلب برضو اسير
ايامنا كانت صافية
والنظرة كانت دافيه
كله بقي عافيه
كره و ملوش تبرير
يا اهه ف حروفي
ليه نسيوا معروفي
كاره اكيد خوفي
يا رب انت قدير
طمعان انا ف رضاك
عشمان ف وصل معاك
يا خالقي رحماك
ومنك التدبير
كلماتي ناجح عبد السلام.
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.