لو أرجع طفل من تاني
كلمات / أيمن البكري
زمان وأنا صغير كنت بحلم أبقا حاجه
عدت سنين ما عملتش أي حاجه
وأهوه دلوقت أنا خسرت كل حاجه
من غير ما أحس كانت الاءيام بتجري
وأضحك علي نفسي وأقول لسه بدري
فجأه لقيت قطر العمر بيا عدي
ومجاش علي محطه واحده وهدي
وألاقيني شايف بعيني الواد بيكبر
حاسس إني عاجز ولا عمري هقدر
وكأن الدنيا دي بقت ب النسبالي لعبه
بس علي طول معقده قوي وصعبه
وكل مرحله بخش فيها بخسر
زمان وأنا صغير كنت بحلم ابقا حاجه
عدت سنين ما عملتش أي حاجه
وأهوه دلوقت أنا خسرت كل حاجه
دورت كتير مالقتش ف يوم مكاني
غرقت ف بحر الهموم وكسرتني أحزاني
وحبيبتي دي إل كنت فاكرها مستنياني
ف أول فرصه إستغنت عني
قالتلي أسفه أنا منفعش ليك وإنته مش عشاني
دي نار دي ولا جنه كل أما نحلم حلم يتسرق منا
دلوقتي بقيت بتمني لو أرجع طفل من تاني
زمان وأنا صغير كنت بحلم ابقا حاجه
عدت سنين ما عملتش أي حاجه
وأهوه دلوقت أنا خسرت كل حاجه
لو أرجع طفل من تاني
لو ترجع ضحكتي تاني
لا كنت أبكي ولا أتألم
ولا جرح فيا كان علم
ولا كان فيه شئ بكاني
تعبت قوي يا زماني
مين القاضي ومين الجاني
سنين فاتت ولا هدت
فتره ف عمري أه عدت
لاكن والله وحشاني
زمان وأنا صغير كنت بحلم ابقا حاجه
عدت سنين ما عملتش أي حاجه
وأهوه دلوقت أنا خسرت كل حاجه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.