دماء الفرح (428)
...............
مركب جايه
ومركب وديت
ناس بتعيد أحلامها
إن عدت ..
ناس بتقوم من نومها
ما فاكره شافت أيه
ولا جواها خبت ..
حلمها تاه لا هي عارفه
بدايته حتى بيبانها دي لأخرى إتسدت
ناسيه الصبح
إن شقق ولا
لسه فى ظلمه
ليلها إتخبت
نفسها تحكي
ومين يسمعها
وسط قلوب
ولا حساها حنت
صوت مكتوم من الخوف وأهي عايشه
غصب ساجنها
في ثوب ما إتحنيت
دمعه وبسمه غريبه إترسمت في عيون ناحته الكدب وصدقت
دايقه مرار الفرح بقسوة
بأيدين كاتمه دموعها
إن ردت ..
لأجل الهيبه وشكل العيله هيلونوا في وشوش إسودت
بين جدران السجن هتضحك لو بالغصب الصورة إتعدلت
ناس بتكدب حتى عيونا
ودمها ميه عليها إندلقت
ناسجه نفاقها بأبره وفتله قالوا شهور
أفراحها إتنصبت
بقلم .. صبري رسلان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.