معقول نسي
...................
كان زى عاشق فى الهوى
صاحب النجوم ويه القمر
بيحب يعزف عالمشاعر
بالورد وزهور الشجر
معقول نسي
كل اللى فات واللى اترسم
شكل ملامح تبتسم
والفرحه توب وبتتغزل
بتقول كلام
لساه بيعشق ورد الجناين
والشمس بتملس عليه
تفتح عنيه
عاشق ودايب فى الهوى
محتاج لحضن يفرحه
عايز امان
لساه بيحلم باللى كان
ايام زمان
رافض اعود بقلبى الودود
ساكن حوارى الزاكره
وانا لسه واقف مطرحي
بقول لمرايتى افرحى
الضحكه بعد التوهه جايه
اتبسمى
على شحاته سليم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.