أحلى نيشان
.............
حكيتك للوطن قصة ................. وقصيدة ودرع وسيف
حكيتك للأمل عنوان ........................... ونسمة وطيف
رقيتك يا إبني من الحسد ................... والعيون والزيف
رجولة طول عمرك ............. وحب الوطن ده عندك كيف
*****
وشوفتك للسكن عنوان ................. وبتلبي فى اى مكان
بدمك تروي ساحاتى ................ تخاف ع الاهل والسكان
وهبتك نبض جوه الجيش ........... مشرفني ف كل ميدان
وجندي بتحمي في بلادك ............. أسد كاسر علينا أمان
*****
سلاحك هو إحساسى ...... يفوقني وانا ناسي في كل زمان
بيادتك اشيلها على رأسى ................ وأعزفها كمان ألحان
وصوتك في الميدان غنوة ................ أغنيها في اى مكان
وآدي بوسة على رآسك ................ بفرحة أرسمها بالألوان
*****
انا ربيت فيك الهمة بضميرك هو والذمة ........ تكون إنسان
وربيتك على الطيبة ..تقولها ف وش مش غيبة .. كأنه آذان
حتحمي مصر من قلبك...وتوهب لها حبك وما تكونش جبان
ويوم ما تموت وتستشهد ...... شهادتك عندي أحلى نيشان
زجل بقلمى عماد ياقوت
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.