تيجي نقسم حياتنا لمواقف فيها ناس
منهم اللي وقف جنبنا واللي علينا داس
منهم اللي حبك وصان ودك واللي رحل من غير احساس
عندنا صحبة غالية علينا ووشوش باهتة عايزة رصاص
ناس نظرة عينهم تفرحك
وناس لسانها سم ف كاس
ناس من غير حاجة تسندك
وناس مصلحتها فوق الراس
وقت الحاجة تقرب منك
بنيان هش ماله أساس
تعالي نقسم عمرنا لحظات
لحظة فرح مرت بينا
ولحظات تانية اوجاع واهات
ايام عشناها مع حبايبنا
وفجأة رحلوا بدون امرات
سابو ذكرا تعلم فينا
ومواقف شدة كانو فيها
معاك بثبات
عاشوا فاتحين بابهم بقلب صافي من غير حوارات
لمسة أيديهم لسه فاكرها
لما يهللو بالسلامات
رحلوا سابوا معانا لسانهم
نردد بيه احلي الكلمات
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.