((ياعم ياعطار))
ياعم ياعطار
صبرك دا طعمة اية
هو بطبيعته كدا
طاب قولي ايه محلية
بعد الحبايب يداوي
ولا مالهش فيه
صبري انا علقم
ومري مين يداوية
ياعم ياعطار
تعالى أشتري صبري
صبري صحيح غالي
معجون معاة غلبي
الصبر دا انواع
تعالى دوق صبري
جبت الصحاب يداوا
كسروا القرايب جبري
ميلت ع الاحباب
اللي عطيتهم عمري
باعوا بارخص ثمن
وفيهم باقي صبري
ياعم ياعطار
مليت أحاكيهم
خلصت الأعذار
بالعمر شاريهم
والجرح بينزف مازال
وضاع العشم فيهم
مظاهر بتخدع عيونهم
واللي يصونهم
فرطوا فيهم
زي الفراش
شعاع الضي يغريهم
ولو قربوا منه
لهيب النار يكويهم
ياعم ياعطار
خلاص نفد صبري
وسطوري فى الكراس
عليها انسكب حبري
لا العتاب بيجيب
ولا للعيوب يدري
والكل بقى سلطان
وهو علية بدري
ياعم ياعطار
اقفل بقى دكانك
سنين تبيع الصبر
والصبر كمان خانك
عشان تشتري كرامتك
اقفل عليك دارك
بقلمي
نبيل عبد الحليم
٢٢/٥/٢٠٢٢
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.