أنا سياسى // كلمات.أ.أيمن البكرى
- الحصول على الرابط
- X
- بريد إلكتروني
- التطبيقات الأخرى
أنا سياسى
كلمات..............أيمن البكرى
وأهى ماشيه
يوم حلوه ويوم وحشه ويوم قاسيه
يوم بضحك ويوم ببكى ويوم جارحه
يوم بحزن ويوم ببقا طاير من الفرحه
يوم بيعدى كاءنه كابوس
بتمنى إنى لو كنت معشتوش
ويوم بتبقى عروسه لابسالى الطرحه
أنا سياسى
بسايس الدنيا علشان أعيش
وبحمد ربنا على اليوم إل بيعدى
فيه ما أبكيش
بتاخدنى الدنيا قلمين على وشى
وتسلمنى لل الإيام
أبقا مستنى حد يقولى معلهش
ألاقيها بتهدلى أحلام
أيامى كلها بقت شبه بعضها
وذى ما بصحى بنام
ولو حد ساءلنى عامل ايه
بكدب عليه وبقوله كله تمام
أنا سياسى
بسايس الدنيا والناس والإيام
لا عمرى ببيع ولا عمرى بخون
ولا بعرف أكون قاسى
ومهما يجى الناس عليا
ومهما تبكى عنيا
بعدى وبقول ماشى
الكل ناسينى نفسى ياعينى
نفسى الاقينى
على برك في يوم راسى
أنا سياسى
بسايس الناس
ياما اشتريت غالى
وباعونى ببلاش
وياما عيون فيهم
بتوحشنى
وأبقا عايز أجرى عليهم
وعزة نفسى بتحوشنى
وياما ناس بتسامح وتنسالهم
وتقفلك على غلطه مبتنساش
وأهى ماشيه
يوم حلوه ويوم وحشه ويوم قاسيه
يوم بضحك ويوم ببكى ويوم جارحه
يوم بحزن ويوم ببقا طاير من الفرحه
يوم بيعدى كاءنه كابوس
بتمنى انى لو كنت معشتوش
ويوم بتبقى عروسه لابسالى الطرحه
تعليقات
إرسال تعليق