( بحور عينيك)
بقلمى الشاعر / محمد غبن
شاعر آل غبن
كلمات عاميه بلغة محكيه
3/8/2022
في بحور عينيك مش
لاقى حل ولا سبيل
ساكن جوايا الوجع وإنت
اللى بإيدك الدوا لقلبى العليل
ولا عايزاني
أمشى وأحكى للناس فى الشوارع
تايه فى عشقك وشرحتلك
من زمن القلب كله مواجع
ماتحنى شويه بلاش تخلينى
في خبر كان خليني فعل مضارع
اعيش معاك الهنا يضيع من جوايا
الأنا وأحلم بنور فجرنا اللي طالع
دا إنت صبحت جوايا شئ
ساكن ومعاه نبض روحى وحياتى
هوا العشق ايه ياغاليه
غير تكوني مالكه قلبي وسكناتى
وإنت غير كل البنات
قلبى شاور عليها وإختارها
احرمه منك يعنى ولا اقوله إيه
اتحمل واللى خلقها خلق غيرها
مش هيتحمل كلامى ومش
بعيد يتعب أويتخانق معايا
هفهمك بس أصبر عليا
شويه وهارسيك ع الحكايه
ممكن تكون مش حاسه
بيك وندخل في مشاكل و روايه
لالا أنا برضوا بحبها وهصبر
عليها سنين عمرى اللى فاضل
ياااه كل دا عشق وحب جواك
ساكن ومش قادر تنساه
دا أنت غلبت قلوب العشاق
فى الحب والتحمل والمناجاه
مفيش قدامى غير
إدعى ربي يقرب
بينكم وتعيشوا مع بعض الحياه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.