للقلب عنوان
***&***&***
لسه حديكي أمان
ما أنت بعتي حبي من زمان
لما كنت بتنفس هواكي
وعشقك عايش في الوجدان
لما كل الناس حست بحبي في الحارة والميدان
و بنات الحته كانوا بيحسدوكي
وكان أملهم يكلموني ثوان
لما كنت هايم في حبك عمري وكنت في طي النسيان....
دوقتيني لهيب الشوق وصنوف العذاب ألوان
كان كل همك تشوفي نفسك مرغوبة من الجدعان.....
ماعرفتيش معنى حبي ولا عشقتي في يوم إنسان
وجاية دلوقتي تقولي بحبك ...كنتي فين من زمان
ما خلاص إنتهى عهدي بيكي
وهوايا في قلب عاشقة
كانت عايزاني من زمان
لقيت معاها نفسي وإديتني كل الحنان
وعشق أزلي أتاريني كنت أملها من أوان
لقيتها بتقولي....
ده أنا حباك وعاشقاك رضعت حبك من أزمان
وحاولوا يفطموني من عشقك قلتلهم ده إدمان
و أنت أملي في الدنيا تعلمت منك أكون إنسان
دانتا كتلة مشاعر وأحاسيس تكفي بلدان
كلماتك أغاني وشدوك موسيقى وألحان
عطرك فايح في الحنايا يفوح من أجمل بستان
سعيدة وفخورة بحبك و لعشقك آن الآوان
أعيش معاك أجمل سنين عمري بدون فقدان
وأنسى سنيني اللي ضاعت كلها في هوان
وجاى تحمل ورودك وتعتذر بقبلات وأحضان
ده حلم ولا حقيقة ولا أنا في هذيان
قلتلها....
تعالي نعيش حياتنا وننسي كل اللي كان
إنتي بقيتي كل حاجة وأصبح ليك مكان
حفرتي أسمك في قلبي وبقيتي ليه عنوان
***&***
سمير بحر
***&***
من ديوان قناديل بحر اصدار يوليو 2021
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.