عايش لوحدي
..................
طول عمري عايش لوحدي
ضاعت في الدنيا آمالي
يطول عليا ليل سهدي
محدش حاسس ايه بيجرالي
أبات دمعي على خدي
ليه أحبابي نسيوا محبتي
أسهر الليل بنار وجدي
فاتوني لأسايا أشكي لوعتي
راحوا فاتوني عايش لوحدي
رحت أعيش مع روحي
أنا أواسيها وهى تواسيني
تكفف دمعي تطبب جروحي
يزيد وجدي أخفي حنيني
الشوق جاب طيفهم لخيالي
نسيت روحي حنيت لهواهم
إيه خلاني يتبدل حالي
فكرني نوحي بأيام أساهم
رجعني زهدي أعيش لوحدي
طول عمري عايش لوحدي
راضي بحالي وأنا وحيد
عمره مازارني وجه لحدي
الفرح وكان مني قريب
ولا كان عندي حبيب
أشكي له ويشتكيلي
وأسهر الليل أنا وياه
يمسح دموعي بمنديلي
من وجدي أسمع نجواه
ويرحم دمعي وسهدي
طول عمري عايش لوحدي
فضلت أعيش بهموم الناس
وكل دمع أبكي معاه
شربوا الهنا وفاتولي الكاس
من غير خليل أسهر وياه
راحوا سابوا القلب وحيد
في الهموم وهمّ ارتاحوا
صبحت عن روحي غريب
أنين الجرح يسمعوا نواحوا
استباحوا دمعي ونار وجدي
طول عمري عايش لوحدي
........
بقلم.الشاعر
الأمير_محمود
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.