. مبارح واليوم
بالأمان نتلاقى ويطول المشوار
سهرات الصفا والأنس للصبحية
دار الزمان و ع أهل الشام دار
طلعولنا بنغمة إسمها الحرية
صار ببلدنا مية عدو غدار
تجمعوا من كل صوب ياخيي
تمترسوا بالدين حفروا الأوكار
ناس مالهم لا علم ولا أبجدية
صوت رصاص وقذيفة إنفجار
أوكارهم بالعتم بيظهروا ليلية
شحت مونة البيت كسرنا جرار
تعايشنا مع نقص الكهربا والميّة
بالسوق عم يقولوا ارتفعت الأسعار
يبس الخبز مافي عجنة طرية
الكروش مليانة قروش و دولار
بطون الفقرا من الجوع مسليّة
كلن قالوا الحال من لعبة تجار
ضعنا ما عرفنا اللعبة وين هيّة
اتفقنا نصلي نشكي لله الجبار
توجهنا للجامع والكنيسة سوية
حتى يخلص بلدنا من الأشرار
يحمي ولادنا لبوا نداء العسكرية
بهمة بشار الأسد وجيشنا المغوار
ترجع الشام بنسمة صيف ندية
ألف رحمه و نور للشهداء الأبرار
لكل من فقد عزيز و غالي تعازيّ
.. غانم ع الخوري ..
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.