(أصل الديار)
الشاعر /محمد غبن
شاعر آل غبن في مصر والشتات
كلمات عاميه بلغة محكيه
9/10/2022
حاولي تيجي يامه
في المنام ولو دقيقتين
تصبري قلبي علي غيابك ووحشتي الدايبه من سنين
هو إنت مش واخده بالك إني مشفتكيش مره في حياتي
تاهت دنيتي في غيابك وكإنهم بيعلنوا عن وفاتي
يامه فراقك مش قادر اعيش وأتحمله
كل حته فيا قاعده تصبرني قدر ربنا واحنا تحت رحمته
الفراق بطبيعته قاتل كإنه عازم معايا ع النهايه
لو كنت عايشه هتلمينا وعلي إيديك البدايه
صدقيني كنا هنبقي وسط الخلق لينا كيان وحكايه
الأم بتضلل ع اللي ليها وبيبقوا عزوه بين الناس
خصوصا وإنت ليك حضور وأخلاق عدي أنواع النساء
حاجه من عند ربها
هديه وبعتاها السماء
بس ميمنعش غيابك طول والولاد بحكيلهم عنك حكايات
كانت ياولاد آيه من الآيات
طيبه ورقه وحنيه كأنها أميرة الأميرات
هو كان حد يقدر يتحمل جدكم شخصيته كان ليها جبروت
عدت جيل مصر في زمانهم فتوات وأصحاب النبوت
بس هو مش بالقوه لكنه كان بالعقل يزهل اللي قدامه ويخليه في سكوت
فطن اللسان وعقله شغال متعرفش تتمنه بورق البنكوت
واللي يحاول يتذاكي عليه دمعته هتسبقه ويبقي قدام نفسه هلفوت
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.