لما بتعدي
.............
ماأعرفش ليه لما بتعدي
بتنسيني أسمي وأدور عليه
الفكر يأخد العقل ويودي
جسمي ماأعرفش أتلم عليه
ألقاني كده متكهرب
كل شيء فيا بيهرب
وأبقى من روحي مستغرب
م
م اللي بيحصلي لما بتعدى
عينيك أه منها عينيك
بترجاك ابعديهم عني
أحسن أنا أدوب فأيديك
مش هتلاقي حاجة مني
ليه واخداها تحدي
كل مرة عليا تعدي
تسيبيني ف نار وجدي
وتفوتي على قلبي وتعدي
قلبك ليه عليا قاسي
هى راحت فين الحنية
ماأعرفش فاكر ولا ناسي
مش عارف أتلم عليا
طمني قلبي وابعتي سلام
خلي عينيا تقدر تنام
وأشوفك أنا في الأحلام
راح اقولك آحلى كلام
وأنا هايم غرام لما تعدي
......
بقلم.الشاعر
الأمير _محمود
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.