📓📓📓📓📓 مع حبي وسلامي 📓📓📓📓📓
ماتشد حيلك . ياقلم
واكتب كلام تاني
هو انت شاطر في الالم
ماسك في أحزاني
ما تخبي مرة في الجراح
وياعم إنساني
مجنون بتحلم باللي راح
ماهو مش ف إمكاني
حبرك ياسيدي دمه ساح
ع السطر وكواني
سيب الزمن يحكم خلاص
ماتقولش آاااه ياني
سيبها دي دنيا سداح مداح
أحوالها تعباني
والشر فيها ريحه فاح
والخير بقى الجاني
معقول بتحلم بالصلاح
وتملي بتعاني
خليك في عصر الانفتاح
واكتب بقى أغاني
دي نصيحتي ليك . واقتراح
والفكرة عجباني
مانا بردوا نفسي ف ارتياح
انساك وتنساني
واطير واركب ميت جناح
مع حبي وسلامي
🖋🖋🖋🖋🖋🖋
شادوليات
شاذلي محمد عبدالرحمن حسين .
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.