(فاكره وعدك)
بقلمي الشاعر/محمد غبن بمصر والشتات
شاعر عاميه بطريقه محكيه
24/12/2022
فاكره لما أتواعدنا ع الحنين
وحلمنا اللي عشناه من ذكريات
وقتها قولتيلي سافر وأطمن
مهما كان الشوق و بعد المسافات
انت كل ماأملك حقيقه جوايا
يعني في قلبي مش حب مات
ويعلم ربنا بشوقي ولهفتي في
غيابك لكن هعمل ايه بس قولي
هحاول اعيش وافتكر حبك
وغربتك يمكن دا يصبرني
بس وحياتي إوعاك تطول
في غيابك وغربتك عني
أنت عارف اهلي وعنادهم
معايا يمكن دا اللي قالقني
بس هحاول اسايس أموري
هرفض اللي يجي يتقدملي
وأنت كمان مش عايزاك تطول
في غربتك وفي البعاد
هصبر علي غيابك هحاول
اتحمل ناره ولهيب السهاد
لكن اللي مش هقدر اتحمله
ضغط اهلي عليا والعناد
يلا عجل وتعالي مشتاقه ليك
وشوقي والله ذاد وفاض
لجل تسكت الألسنه وشوقنا
يهدي كإنه طفل ساعة ميلاد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.