حكاية حب
***
يا قصة يا لحن الهوى
مين زيي بالحب ارتوى
حبيت لكن بدون كلام
عشق العيون أجمل هوى
نظرة ولو من غير كلام
تشفي الفؤاد من غير دوا
كل المنى أحلام عيون
والقلب بالوجد اكتوى
وابتدت ثورة فؤادي
شعللت نار الجوى
*****
لما العيون باحت بسري
قلت خلاص الأمرأمري
خفت يكون الرد قاسي
قلت ابعت رسول بشعري
جاني ردك بالقبول
كان أسعد يوم ف عمري
ليله كانت بألف ليلة
في اختبار الشوق وصبري
وابتدت قصة هوانا
شمسها أنت وقمري
*****
واتواعدنا وجيت قابلتك
قلبي طار أول ماشفتك
قلت اهدَ.. قالي أسكت
ورقص سعيد مع بصتك
من عنيك سهم صابني
غير جمالك مع رقتك
إيدي عشقت حضن إيدك
دبت شوق مع بسمتك
وابتدى المشوار بهمسه
أشواقي تسبق خطوتك
*****
كل خطوه مشيتها جنبك
ليها ذكرى وفيها نبضك
إيدي تعشق حضن خصرك
قلبي جنبك زي ظلك
فاكرة أول مره بوستك
روحي هامت عند خدك
بعدها كان شهد صافي
طعمه أحلى من شفايفك
كل حتة سهرنا فيها
قربت من قلبي قلبك
*****
يا ربيع أزهاره حب
روحي هايمه بأحلى درب
نبضي ساكن بين ضلوعك
كل دقة فيها قرب
من رضابك دقت شهد
بعد حبك م ألقى حب
وأما أضمك مني أكتر
ينبض القلبين في قلب
البدايه قصة حلوه
النهاية ... البعد صعب .
علي درويش
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.