●●●●● قطر الغلابة ●●●●●
قطر الغلابة طويل
اول ما فيه الفقر
فاجر ودمه تقيل
رافع شعار الغدر
يفرش ظلام الليل
وآهاته تظهر بدر
ودموعه نهر تسيل
مع كل طلعة فجر
والقطر ماشي يميل
من كتر تقل المر
ومهما زاد بيشيل
وكأن بينهم ندر
والقلب لسة عليل
محتاج يدوق الجبر
والقطر لسة طويل
هاجم وذي الصقر
كل الكلام دا قليل
أصله بميزان الصبر
والبرد هد الحيل
فاتح بيبان القبر
مرسوم وبالتفصيل
متقاس كمان بالمتر
عارف مالوهش بديل
ولا حتى ليها مفر
ومعانا الف دليل
ذل ومهانا وقهر
هنقول كتير مواويل
وهنملى مليون سطر
قطر الغلابة طويل
اول ما فيه الفقر
●●●●●●●●●●
ومهما قولنا كتييييييير
مهما نكتب ع الغلابة . الكتاب مبيتمليش
شادوليات
شاذلي محمد عبدالرحمن حسين.
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.