(( دوّر ))
دوّر جواك
فحكش ف الذكرى
اللي مابينّا
واحسب زلاتي
وغلطاتك
تطلع خسران ..
هتلاقي عيوبي
اني آمنتك
أكتر م اللازم
واتعلق قلبي
بيك بجنان ..
أما انت عيوبك ماتعدش
خد كده عندك :
خاين ..ظالم .
جاحد وأناني
اصبر حبه🤌🤌
فيه لسه كمان ..
أما ميزاتنا
ف انا عن نفسي
مش هرغي كتير
علشان جواتك تعرفني
مش راح هكتب
موضوع تعبير
والميزة اللي في شخص سعادتك
ببساطه كده بتثبتني
ويكون لك على قلبي التأثير
فبصدق طبعاً ألاعيبك
بهوايا وكيفي ..ما انا حبيبك
وده همّ كبير
دور من تاني
هتلاقى دموعي
بتدحرج وعليها اسمك
والفرحة ف نفسي اللي اتدبحت
مختومه بجرحك
والكسره اللي وراها هزيمتي
برضه بسببك
دوّر برّاحه واستفسر
الكافه ميزانها ليه مايل
مش قصدي أزلك و أعاير
أو أقولك روح عِد جمايل
بس أنا عاوزك تاخد بالك
إن أنا شطبت 🤚🤚🤚
وبطلت أدلع وأحايل
دوّر على ذنبي
غير قهري وغلبي
من طيبة قلبي
دور وحِياتك بضمير
ما انت شايفني عاشقك وبغِير
لو حاسس حيرتي
إزاي ف هواك
هتلاقي الحق بقا معايا
وعمره ماكان أبداً وياك
#أمل_أمين_الخولي
#رحالة
#Felicite_World
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.