( عاشطك مابقي
لسفني مراسي )
كنتِ بيوم أهلي وكل ناسي
عاشطك مابقي لسفني مراسي
بقلبي مابقيلك أي خاطر
اعتزلت الفن وركبت المخاطر
وصارت وجهتي جبال الرواسي
اعتزلت الفن وركبت المخاطر
ومنك مابقى استلطاف ناطر
نسيم الصبح يلي كان عاطر
أصبح نار تكوي ضمن جوفي
سكن بالنبض وتملك حواسي
أصبح نار تكوي ضمن جوفي
من الأيام عم يزداد خوفي
بهاللحظة أنا بعلن عزوفي
عن الحب الِ هامت فيه روحي
حرق قلبي بجمر زاد المآسي
عن الحب الِ هامت فيه روحي
كان السبب بزيادة جروحي
طيور الطايرة بالجو نوحي
ناجي الرب عاكرسي عرشو
عسى يشفي من الأوجاع راسي
ناجي الرب عاكرسي عرشو
حبابي مطرحي للعدى فرشوا
باعوا عشرتي كرمال قرشو
ماحسبوا حساب للعشرة الكريمة
تركوني عَ مر الزمن قاسي
بقلمي
عادل شاهين حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.