نبض الحروف
***
انا ياحبيبتي مش شاعر
وحرفي يادوب علي قدي
وبرسم بالحروف معنى
تفيض اشواقه من حبي
كتير قلت اني مشتاقلك
واكتر قلت محتاجلك
تكوني حرفي وقصيدتي
اهدي موجك العاتي
واهيألك بحور الشوق
ومركب تبقى فيه جنبي
وتبقي دفاتري واقلامي
وهمس حروفي وغرامي
وسري يبقى بين ايدك
كتاب مفتوح بلون وردي
صحيح شَعري بلون ابيض
لكن جوايا عشق كبير
ولو كان الخريف باين
فقلبي فيه ربيع دايم
مشاعري معتقه جواه
بعطر الورد من ودي
وانا مأمور من قلبي
لغيرك مايكون نبضي
ولو عمري يطول اكتر
هبيع الدنيا علشانك
ولو كل البشر ضدي
علي درويش
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.