(صار الحلم راحة)
مهما كبرت بقلبي المساحة
لوجه الأرض ماعاد فيه راحة
بعمري ماقبلت صاحب أناني
وبحربي ماتركت للغير ساحة
ولأني ماقبلت كون امتهاني
دفعت من العمر ثمن الصراحة
صرت من الظلم والقهر أعاني
وروحي من التعب فقدت فراحا
شو نفع اللو كلها والتمني
ان مال الحظ عن كف الرجاحة
الِ كانوا يدّعوا شرف التبني
مشوا بجنازتي وعملوا مناحة
ألا يا زمن فيهم خاب ظني
ماكنت محسبن ب هالوقاحة
بوجهي بيضحكوا بالضهر هني
ك ألة مبرمجة بتشهر سلاحا
ك حبة عدس ألهم وجه تاني
فيه من الخبث خسة وقباحة
أيا أوتار ارثي برفق فني
ببسمة ولطف ومحبة وسماحة
وعلى المجروح يانسمات حني
وبلسمي جراح من دون استراحة
يانسمة خبري الأطيار عني
وكوني للصدر سر انشراحا
بشائر خير للملهوف منة
ت روحي الهايمة تهدأ جراحا
حياتي كلها بتصير جنة
إذا لروحي السما بتفرد جناحا
بقلمي
عادل شاهين حسن
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.