اللي عنده ناس تحبه
ده امير وملك كمان
واللي قلبه طبعه لين
طبعا أحسن من اللي عنده
فلوس كتير وكنوز ومـال
واللي بيسامح تملي وقلبه صافي
وراضي ربه حاله عال
واللي مش بيشيل في قلبه
احسن من اللي ماشي بغله
ومن الجميع قلبه شال
واللي بيجبر القلوب
ربك تملي بيجبره
ومن السعاده قلبه نال
واللي في الخصام بيستر
احسن من اللي يفجر
وتلاقيه في الخصام
بالسر قال
وخلو بالكم اللي باقي
سيره حلوه
والانسان مهما يعمر
هيجي يوما وتلاقيه في ثانيه زال
☘️☘️☘️☘️☘️☘️☘️
بقلمي ياسر أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.