قصيدة بعنوان هنبيع ببلاش
بقلم عفاف محمد عبد الصادق
علمونا زمان نشتري مانبعش
بس النهارده مش شارين
واللي النهادره مش محتاجه
له بكرا تيجله عوزة
بس معاك كسرت القاعدة لأنك
عندي مالك عوزة
اللي يبيع ف قانوني رخيص
ويتباع ببلاش
وهابيعه لوغالي وهاعرضه ف
السوق
وفي حياتي مايستناش
معاك هانت عليا دموعي وف
لحظة بكيت
معاك نسيت أن المية مستحيل
تختلط بالزيت
معاك الدنيا لوضحكت يبقى
الجاي احزان
واعيش بقيةالعمر سكوت
جلت نفسى وتنتها أن ف يوم
حبيت أو حنيت او اترجيت
كل دا كشف حساب وبدفع
عنك الفواتير
وياريت ماكنت ولا كانلك معايا
عيشة وبيت
ولاكان اسمك على اسمي ولا
رسمك شبيه رسمي ومشيت
اتباهى واتفاخر
وحبي ف قلبك طفل أسير
و إيه كان غير وجعي
وقلت ياريت ماطرقت يوم
بابي ولاعتابي ف يوم خطيت
شرطة السالب شيمة الناقص
وتحب تقسم وما تجمعش
ودماغك مشدودة على قالب
تتكلم دايما وما تسمعش
والطبع ف اللئام غالب
نتوجع منهم ولا نوجعش
بس النهارده خلاص فقنا
ولجرح قلوبنا هنداوي
ولشمس يومك هنطفي
ونكفن ايام ماتساوي
لحظة كانت ف دفاتر
العاشقين
وماتسألش خلاص راح فين
الحنين
بدلته بحبر أسود
ومن رماد حرق أحزاني كحلت
رمش العين
علشان يمنع الدمعة لو فكرت ف
يوم تنزل
يحوشها عن الضعف صرخة ألم
ومرار الذل ف حب ما شفنا
منه غير وجع
وعد مني لتصرخ وتسمع
اللايمين
ويقولوا حرة ومايكسرها
يوم جدع
دا لو صحيح كان جدع
ماكان مشى ف دروب
الخلق يقول حبتني وسهرت
وانا كنت اول الخائنين
بعت الحب وبتتفاخر زي اللي
باع جارية ف سوق النخاسين
بس شوف لما الحرة تنشف
بعد اللين
وترسملك خطة تخلى نهارك
يصبح ليل
وتمشى كماالدراويش
تشوف الصبي فارس
نجوم السما ف افيش
وتمشى تنعى أيامك
و الجاي بينا خير دليل
رسمت الخطة بجدارة
هيتحرم عليك النوم
اصلك ماتعرفش لما الست
تتغير
تقلب حياتك قهر وويل
ف السما ترفع لورضيت
وف الأرض تحط وتدوس
لو غيرت قبلتها وخنت عشرتها
خليك فاكر حذرنا واللي يخلف
يتحمل التفاصيل
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.