العيب في مين يا ناس ؟؟؟ معتش فيه إحساس
أخلاق بقت تنداس ....
ووشوش بقت تنباس.....
ولا ليها حتي أساس
لا ضمير ولا مبدأ ..... ولا حتي بيت منشأ
طالعين مع الزفة ..... ماشيين وفيه زحمة
ويقولوا عصاميين
خلونا كده صايمين ..... عن الكلام ساكتين
واهي موجة وتعدي ..... ومسيرها كده تجري
وتدوب مع الأمواج
مهما لقينا سياج .... في الأصل هشه هشاش
عش الطيور القش ....
طار من الهوا طيران
رفرف كده حواليه
بعين ماليها الحزن
صامد ولا هموش
أصله الحزين الحر
عنده من الإخلاص ..... كنوز دهب وماس
وهو ده الأساس
أما الخسيس الندل ...... مسيره يوم يتذل
علي مر الزمان
ومهما كان الحال .... يا قلبي يا مليان
ألم
في ده المكان
ولا عتشي في الإمكان .... غير إني أقول الآه
والدمع مالي العين ...... وأجيب منين القوة
ولا حول لي ولا قوة ....... واديني علي ده الحال
والجرح والله طال ....... والجرح والله طال .
✍
محمد راشد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.