ورد..وريحان✍️نصر سيد بدر

 ورد..وريحان

لسه فيه في القلب

ورد..وريحان..

باقي م القصه

اللي كانت زمان

كان منايا يضمنا

مره مكان...

يتولد في القلب

نور..حب ..وحنان

قلبي عاش صادق

وعمره ما خان..

ليه علي عيونها الجميله هان؟؟

......      .......

مالي بيك ياقلبي قول لي

مالي بيك..

انت شارى وعمرها ماتشتريك؟؟

اللي كانت عايشه فيك..

من غير شريك..

باعت الاخلاص في لحظة جنون

بدلت ايامي..مر وشجون..

اتنسي حبي..وعشق العيون

والحياه اتبدلت شك وظنون..

هي كانت ..ثم هانت..

والحقيقه المره ليه ياقلبي بانت 

ضيعت ريحة الريحان ..

ضيعت حتي الأمان. ..

زودت طعم الهوان..

ع اللي عاش في الحب صادق

اللي حبه كان ..وكان.

......     ............

سعر/نصر سيد بدر .. القاهره