يازمان الحب عود
=====
إمتى تاني ياعود تعود
ترسم الأحلام صمود
فوق جباه الشيب تزهر
بالأماني والورود
كنا يومها عودنا أخضر
بالنا خالي من الجمود
كانت الأفراح بتبدر
ضي سابق للحدود
كانت البسمه سواقي
تروي أرواحنا تجود
كانت الحنيه دنيا
من أبويا والجدود
كانت النخوه عزيمه
فينا أقوى من البارود
أمي دي كانت عظيمه
جنه عايشه للخلود
مين سرق منا الأغاني
مين زرع فينا الرعود
ليه ياناس فيكوا الأناني
والتفاني في الشرود
ليه ياناس الذمه ماتت
والضمير محتاج شهود
والله دنيا وكله فاني
فيها بس التقوى عود
=========
بقلمى سامح توكل أبوالسبح
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.