فتاة أحلامي..حليم محمود أبوالعيلة
فتاة أحلامي
نِمت أنا بَدري شِوية
عَلشان تزوريني ف أحلامي
وأغازلك بعنيه وأقولك
أنا شايفك حقيقة قدامي
يا عُمري وأيامي الجاية
دا فضحني معاكِ كلامي
والناس عرفوا بقصتنا
زودوا حرماني وملامي
كلامنا كان طيب معسول
وانكتب كله بأقلامي
يا فرحة طايرة ف سمايا
وانت العمدان لخيامي
والغنوة الحلوة اللي بدندنها
بلسان سومة وتأليف رامي
انت الجمهور والمسرح
وحبيبتي وفتاة أحلامي
كلماتي:
الشاعر: حليم محمود أبوالعيلة
مصر
تعليقات
إرسال تعليق