صدقني...سحر ابو العلا
صدقني
صدقني الدنيا في غيابك
ماشية عادي وهي هي
لا ساعات اليوم زادت ساعة
ولا قعدة بعِد نجوم الليل
قلبي بيدق كما العادة
ولا داق في غيابك شوق ولا ويل
أصلا لو حس القلب بفرق في وجودك
كان اثر على قلبي غيابك
لكن أنا كنت معاك
موجودة ومش موجودة في حياتك
فغريبة إنك راجع ندمان
وبتقول إنك بعد فراقنا
قلبك حاسس نقصان
حسيت دلوقتي إني وجودي مهم
صدقني إن أنا بعد غيابك
بقى عندي وجودي لنفسي أهم
فرجوعنا خلاص مش في الحسبان
ولوحدك بس انت الخسران.
سحر ابوالعلا
تعليقات
إرسال تعليق