مين يبني لي بيت // بقلم أ.حليم محمود أبوالعيلة
مين يبني لي بيت
بدون حديد وحيطان
انام فيه وارتاح
من غير كمان عمدان
يدفيني ف عز البرد
يكون خيمة وبر أمان
طاير ف الهوا مالوش جناحات
لا بانيه عفريت ولا جان
لا منحوت في حضن الجبل
ولا ف صحرا ولا وديان
يكون صنايعي بريمو
عارف مهنته وفهمان
جابولي كل البشر
من كل الصفات ألوان
شفت ف وسطهم واحد
مثقف ذكي وفنان
بنىٰ لي بيت في قصيدة
كان شاعر وكان انسان
احتواني بصوره وجناسه
حضني بكل حنان
غزل الحروف أبيات
ونسج القصايد ف ديوان
وأنا ف الشعر حاتم
طائي قلم ولسان
كلماتي:
الشاعر: حليم محمود أبوالعيلة
مصر
تعليقات
إرسال تعليق