زي النخيل...حليم محمود أبوالعيلة
زي النخيل
كل اللي عرفتهم ف حياتي
فهموني انهم ونس ودليل
أتاريهم غربان وحدادي
عايشين عواله وورد نيل
عُمري قايد صوابعي العَشَرة لهم
وخانوا العِشْرَة ونكروا الجميل
طول عمري شاريهم وهما باعوني
وطالب رضاهم حتى لو قليل
كنت شيال أسية كما الجبال ليهم
وأكلوا رطبي وحدفوني زي النخيل
حضني كان أكرم من حاتم الطائي
ابن أبويا وعمري ما كنت بخيل
طبعي حمال من واحنا عيال
متربي ع الجدعنة وأصيل
رباني أبويا أكون سداد
عمود سواري م أميل
وأقف للغدر سيف بطاش
وَفي ولا يكون لي بَديل
صاحب قرار وأفعالي سبقاني
معرفش العَوَج ولا كلمة مستحيل
كلماتي:
الشاعر: حليم محمود أبوالعيلة
مصر
تعليقات
إرسال تعليق