مشتاق ياأمي....عادل شاهين حسن
.....@.@......مشتاق ياأمي.....@.@.....
مشتاق ياأمي عود طفل صغير
وأسهر عاسطح البيت ليلية
وأصحى ياأمي من الصبح بكير
وعطر تيابي من عرق بيي
وقلو إلهي يصبحك بالخير
ياتاج راسي ونور عينيي
يرد بصباح النور ويفوح العبير
ويدعي الي بالخير يومية
مشتاق غرد متل العصافير
وألعب وأتكاون أنا وخيي
نشبك إدينا متل جنح الطير
ونعيد أيام الطفولية
مشتاق لرفاقي والمشاوير
مشتاق للسمرة الضيعجية
أيام عشناها بلا تفكير
لعب ومرح عانبعة المية
شو ماجرى لربك التدبير
لوجه الصبح كل يوم سهرية
كبرنا وزاد الهم والتعتير
قسيت وجارت هالدتي عليي
والوضع شبه العدم صفى عالحصير
صارت العيشة كتير قاسية
وينك يابيي شوف شو مايصير
ياريت سهم القدر قبلك نفذ فيي
بقلمي
عادل شاهين حسن
تعليقات
إرسال تعليق