انت عارفة ..الشاعر: حليم محمود أبو العيلة
انت عارفة
انت عارفة بحبك ليه
لأجل عيونك وقلبك الحاني
بعزف لرموشك موسيقى
وبشوق ادندن ألحاني
مقام وسيكا ونهاوند
ونفرح ونعيش من تاني
قلبك دقاته بتطربني
وترَقَّصْ فراشات بُستاني
ونطير على بساط الريح
لجزيرة حلوة وسحراني
نسهر ف جناين ونحب
والنوم يخاصم أجفاني
وتدوب شفايفي بشفايفك
وعيونك تبقىٰ عنواني
اشرب رضابك واتحلىٰ
بلح خدودك حياني
وتغني عصافير الحب
بأحلى قصايد ف ديواني
ونايات همسك تُرقص لي
وعُودك وريدي وشرياني
ونغني مين السبب ف الحب
دا القلب هوا الجاني
وعايش يغني ومتهني
من يوم قلبك م زارني وجاني
ونجوم السما تضحك لك
وقمرنا ينور علشاني
ومراكبي بحارها وشراعها
ف عيونك مرسا شطآني
وجمالك سهرني وحيرني
وسحرك أدبني وربَّاني
واتوه في وصفك وحلاوتك
ماحُسنك وجمالك ربَّاني
كلماتي:
الشاعر: حليم محمود أبو العيلة
مصر
تعليقات
إرسال تعليق