سكات //بقلم أ. م . حمدي توفيق

 **  سُكات **     

==========

مَكنش لاَزم يكون

بينا تَفرقة وِشَتات

مَكنش لاَزم .. تزيد

بينا أَوي المسَافات

وكان لازم .. يكون

بِينا لَحظة ..  عَقل

في الوقت دَا بالذَات

أنا عِشت كُل الوَجع

وعَدت كتير أزمات

فبلاش .. تهاجميني

وتقولي .  قلبك مَات

وإنتي اللي سَاكنةْ القلب

من عُمر عَدى وفَات 

أنا قلبي بس يموت

لَما تجَافيني  والضحك

يبقا أهات ... فَبَلاهَا

شُغل العِند  ... ياأُم

العيُون ... حِكَايات

أنا قَلْب صان عهده

في صباه ومن مهده

متهزهوش .. ترهات

ياأم الكلام .. تراتيل

والعشق فيكي جميل 

لية بينا يبقا .. شتات

خليكي حاساني من

غير ما أزيد ولا أعيد

ياللي بسبب ..  حُبك 

أيامي .. صبحت عيد

قلبي اللي عاش يهواكي

عامليه بحنية وبلاها

من ...... التهديد

ياأم العيون حكايات

العشق فيكي سُكات

.....

بقلمي 

م . حمدي توفيق